الاسطورة في حب مصر !!!!!!

قصيدة للشاعر فؤاد حدادوجد فيها الاسطورة ضالتة للتعبير عن حب مصر


مفيش ف الأغاني/فؤاد حداد
مفيش في الأغاني كدة ومش كدة
تفرقنا عن بعض بالشكل ده
يا مصر اللي جايبة الشجر من زمان
وشايلة الضفاير علي البرتقان
وقبل الأوان اللي قبل الأوان بتحييني أنفاسك المسعدة
***
يا حلوة كلامك تحبه الودان
يشمسني في الدروة زي الميدان
يمشيني بين الحيطان الغيطان عروسة وحصان في القمر والعد
امفيش في الأغاني كدة ومش كدة تفرقنا عن بعض بالشكل ده
***
عنيكي تغمض وتفتح بيبان
سطوح الليالي عليه الأمان
وبحر الدرة من ورق الامتحان
بتغني موّالي يا مولّدة
مفيش في الأغاني كدة ومش كدة تفرقنا عن بعض بالشكل ده
***
بحبك كأني طليق العنان
و زى العجوز اللي دق البيبان
وزي الكتاب اللي كان ياما كان
وزي الرصيف اللي في السيدة
مفيش في الأغاني كدة ومش كدة تفرقنا عن بعض بالشكل ده
***
أنا اللي زرعت البيوت والعيدان
ما يمنعش عقلي شوية جنان
حيرجع لإسمك رنين الحنان
قتيل المحبة يموت ف الندا
مفيش ف الاغاني كدة ومش كدة



وهذا الرابط للأستماع للاغنية بصوت المبدع( احمد اسماعيل )

http://www.youtube.com/watch?v=HJVpla4lfMM